Пачатак
Veche працуе на выдзеленых серверах, таму для гульні патрэбны ўваход у Steam і падключэнне да сеткі. Запусціце гульню, выберыце рэжым у галоўным меню – і матчмэйкер паставіць вас у чаргу. Калі матч знойдзены, з’явіцца акно пацвярджэння. Прыміце яго; усе, хто прыняў, накіроўваюцца на сервер. Калі хтосьці адмовіўся або не паспеў, астатнія вяртаюцца ў чаргу без страты рэйтынгу.
Пасля збору матча ідзе выбар героя. Бой пачынаецца, калі героя зафіксавалі ўсе гульцы.
Кіраванне
Рух зафіксаваны. Усё астатняе перапрызначаецца ў раздзеле Налады → Кіраванне.
| Дзеянне | Па змаўчанні | Заўвага |
|---|---|---|
| Рух | W A S D або стрэлкі | Не перапрызначаецца |
| Здольнасці 1–4 | 1 2 3 4 | |
| Здольнасці 5–10 | Q E R F Z X | Колькі іх у героя – залежыць ад героя |
| Вольніца | V | Па-за агульным адкатам, перапыніць нельга |
| Змена мэты | Tab | Перабірае даступных праціўнікаў |
| Адмена касту | Esc | Перапыняе вашу бягучую здольнасць |
| Маштаб | PgUp / PgDn | |
| Пазнака | Сярэдняя кнопка мышы | Ставіцца ў кропку пад курсорам |
| Кола пазнак | Space | Утрымлівайце для поўнага набору |
| Голас (push-to-talk) | ` | Чуе толькі ваша каманда |
Рэжымы
Рэйтынгавыя 2×2
Вы становіцеся ў чаргу з напарнікам, якога выбралі самі. Двое супраць двух, адзін раўнд, вынік рухае рэйтынг усіх удзельнікаў. Раз напарніка прывялі вы, гэты рэйтынг гаворыць пра пару не менш, чым пра вас асабіста.
Сола-чарга
Чацвёра гульцоў, што сталі ў чаргу паасобку, гуляюць тры раўнды 2×2, і паміж раўндамі каманды перамешваюцца: за тры раўнды вы адзін раз апыняецеся ў пары з кожным і двойчы – супраць кожнага. Кожны раўнд ацэньваецца асобна. Сэнс у тым, што ніводзін напарнік не выцягне і не ўтопіць усю вашу сесію, таму лік у выніку вымярае менавіта вас.
У сола-чаргі і 2×2 раздзельныя рэйтынгі. Гульня ў адным рэжыме не рухае другі.
Рэйтынг
У кожнага гульца ёсць ацэнка сілы і звязаная з ёй нявызначанасць. Перамогі падымаюць ацэнку, паразы апускаюць, а нявызначанасць скарачаецца па меры таго, як вы гуляеце, – таму першыя матчы рухаюць ваш лік значна мацней за наступныя. Нічыі не ўлічваюцца ў вінрэйце герояў.
Адлюстроўваны ранг – кансерватыўная велічыня: ацэнка сілы мінус трайная нявызначанасць. Новы акаўнт таму стартуе нізка і хутка падымаецца, калі сістэма перастае пра вас гадаць. Табліца лідараў сартуецца па тым самым ліку, таму вы бачыце роўна тое ж, што і астатнія.
Пакінутыя матчы і матчы, што ўпалі па віне сервера, ануліруюцца. Ануляваны матч не чапае нічый рэйтынг.
Вольніца
Вольніца – адзіная здольнасць, якая ёсць ва ўсіх герояў. Яна па-за агульным адкатам, гэта значыць не затрымлівае наступнае заклінанне, і яе нельга спыніць аглушэннем, нематой або абезрушваннем. Гэта адказ на тое, што вас злавілі не ў той кропцы, – а паколькі яна ёсць у кожнага, выманіць чужую Вольніцу гэта палова бою.
Голас і пазнакі
Галасавы чат убудаваны і па змаўчанні працуе па націску клавішы. Ён ідзе толькі вашай камандзе і толькі падчас матча. Голас перадаецца праз гульнявы сервер у рэальным часе і нідзе не запісваецца.
Асобнага гульца можна заглушыць у спісе гульцоў проста ў баі, а цалкам адключыць мікрафон або выбраць іншую прыладу ўводу – у раздзеле Налады → Гук. Калі працоўнага мікрафона не знайшлося, гульня пра гэта скажа і проста працягне без голасу.
Разрывы сувязі і перападключэнне
Калі вы вылецелі, матч працягваецца, а ваш герой застаецца на арэне. Паспееце перападключыцца ў адведзены час – зноў возьмеце кіраванне там жа. Не паспееце – героя прыбяруць; у 2×2 напарнік працягне бой адзін, і матч усё роўна залічыцца.
Закрыццё гульні падчас рэйтынгавага матча лічыцца паразай. Боем, які ідзе, валодае гульнявы сервер, а не матчмэйкер: пачаты матч адмяніць нельга.
Пінг і выбар сервера
Перад пастаноўкай у чаргу кліент вымярае затрымку да кожнага даступнага горада, і матчмэйкер размяркоўвае вас па выніках – рэгіён рукамі выбіраць не трэба. Калі паставіць жорсткую мяжу па затрымцы і ніводзін сервер у яе не ўкладзецца, чаканне ў чарзе зацягнецца.
Паводзіны і блакіроўкі
Чыты, абразы ў галасавым і тэкставым чаце, а таксама наўмысны злоў рэйтынгавых матчаў вядуць да блакіроўкі акаўнта – часовай або пастаяннай. Блакіроўка закрывае доступ да матчмэйкінгу; прычыну і тэрмін вы ўбачыце пры спробе стаць у чаргу.
Аспрэчыць блакіроўку або паскардзіцца на іншага гульца можна ў абмеркаваннях Steam Community: пазначце свой Steam ID і, калі ён ёсць, ідэнтыфікатар матча. Паштовай падтрымкі ў нас няма, а абмеркаванні публічныя, таму адказ застаецца там, дзе яго знойдзе наступны.
Засталіся пытанні?
Пытайцеся ў абмеркаваннях Steam Community. Калі справа ў фізічным дыскамфорце, спачатку зазірніце ў памятку пра здароўе; калі пытанне пра вашы даныя, адрас для ліста ёсць у палітыцы канфідэнцыяльнасці.